عراقي انا

حياكم الله في منتديات عراقي انا
 
الرئيسيةالبوابةاليوميةس .و .جبحـثالتسجيلقائمة الاعضاءالمجموعاتدخول

شاطر | 
 

 سطااار اكادمي؟؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
العاشق
Admin


ذكر
عدد الرسائل : 517
العمر : 27
البلد : العراق الحبيب
تاريخ التسجيل : 21/08/2007

مُساهمةموضوع: سطااار اكادمي؟؟؟؟   الخميس سبتمبر 20, 2007 10:03 am

مسيكم بالخير
هذا اول مواضيعي اللي اكتبها في هذا المنتدى الكويس حبيت انقل لكم معاناتي في هذة الحياة لكي اكون لكم عبرة وعظه :007:
ندخل في الموضوع ولا يكثر
واعذرونا على المصاله

كانوا العالم يعتبرون ان الفراعنه أنقرضو ... وان ما بقى منهم الا اللي في مصر ملفوفن بشاش ...
ومحد يدري ان ماكان شويه خلاقين مجمّعه ... بس مايندرى وش الصدز ...

المهم جيت من الديره بونيت راكبن ورى مربّط... شايلن بقشتي وحاطها بشليلي وطاقن بنت البكار
بشماغ مواريه الصفار ... الله العالم لي قحشه من السنين ما غيرت هالشمااغ ... وكل ذا عشان اقدّم في العسكريه عقب ما تلحّطت مضبوط في مزرعه ابوي

وصلت الرياض يوم نزلني تجمعوا علي العالم ... بلاهم اول مرّه يشوفون زبيريه مقاسها سبعين ... تشوف شكلها تسنها الدعّاسات اللي يحطونها قدام الحمامات وانتم بكرامة
والثوب صايرن تقل رواق خيمه .... جسمي شكله شكل أي انسان بالعالم ... بس المشكله بالحجم كل شي في جسمي صايرن بزياده ... يسلمون علي بأصبعي الصغير ... ومن طيّحوا الميانه معي صار الواحد منهم ينقز على يديني عشان أشيله ... وبدو العالم يتوددون ويتعرفون علي ... وصارت سالفتي على كل لسان

معيذ المتورّم ... مع العلم ان حجمي عادي بالنسبه لي بس احس ان العالم كل ابوهم اقزام ... صرت اتمشى بشوارع الرياض واتلفت ... كل شي صغير .. وصارو يسمّوني قودزيلا القروي

صوّروني العالم ... ونزل خبري وصوري بالجرايد ... وبدت تنتشر أسطوره
(الفراعنه يتمشى في شوارع الرياض ... )

ومع هالشهره أستاجرت لي محل فتحتين بالبطحاء كل الناس يجون يتفرجون علي ويصوّروني .. ويدفعون تذاكر منها نترزق الله ... ومحنّاب خسرانين شي ..

تجمعوا الخواجات على عادتهم وقاموا يتساسرون ويسولفون وهم يأشرون علي ... وانا فاقن خشتي مبسطوط .. أخيرا لقيت حظّّي .. وبالرياض .. اييييييه الله يرحم أيام التبطح عند السواقي

بديت أحس ان الشهره مهيب زينه ... أي مكان اروح يأشرون علي ... أي مكان اروح يجون يسلمون .. عجزت أقعد مع نفسي ولا شوي ... كل العالم يطالعوّني ... حسيت ان حياتي معد صارت لي .. ومعد صار لها طعم ... فقدت جلسه تالي العصر مع البقر وانا أعلفهن ... وملاحق البهايم
وتسن صدري بدى يضيق (( لحد يتميصل ويقول عطه اخوك الصغير ))

وفي يوم من الايام وانا جالسن بالمحل منضجع على جنبي وحاطن رجل على رجل .... وبعلاقه ملابس اطلع العوالق اللي بشطوب رجلي :a3 .... جاني أثنين شوشهم طايره ... من حقين الموضه .. ومعهم اوراق كثيره ... سلموا علي كالعاده ... وجاني واحدن منهم وش حليله .. حمرن عطر .. وانا اشهبن غبر ..
قمت وتواسيت ... وصافحوني وجلسوا بجنبي وانا احس ان عندهم بلى ... جالسين يطالعوني ويقلّبوني صايرن بينهم تسني خروف في يد شايب ... الين وصلت معي وارجف واحدن منهم ... وانا ازاااعق عليهم ... وش عندكم من جيتو وانتم مطيّرين عيونكم علي ... وش سالفتكم ؟؟؟
رد علي واحدن منهم .. وقال لي انهم مندوبين وجايين يتاكدون من الكلام اللي سمعوه عني ... لانه يبون يسوون لي دعوه في لبنان .. في ستار أكاديمي :l4 ..


ماأخفيكم يا اخوان بالاول وشّيت منهم ... لاني ما ادري وش يقولون .. بس عقب ما فهّموني كل شي وعلى ورقه وقلم ... حسيت ان الدعوه فلّه ... وآكدوا لي ان الواحد هناك يقدر ياخذ راحته بلحاله (( وهذا هو الشي اللي فقدته هنا بالرياض )) .... وافقت علطول ووقعوا الاوراق معي عشان ما ارجع بكلامي ... وعقب ما طلعّوا ضفيت بقشتي وربطتها ... ولبست زبيرياتي وعلى المكان الموعود في السفاره عشان أجهز باقي الاوراق
كملت أجرائاتي .... وقصّوا لي تذكره على ثاني يوم ..

وارجع للمحل عقب ما خلصت منهم عشان ارقد ...


وثاني يوم رحت للمطار يوم شافوني أخروا الرحله خمس ساعات عشان يفكون اربع كراسي جنب بعض ويفرشون لي زوليه مكانها ويحطون لي مركه ... لانه مافيه كراسي على مقاسي عندهم

أقلعت الطياره وبديت أحست بطني ومصاريني تقرقر ... تسني راقين او نازل من طلعة الغاط وانا مسرع .. بدت تواسى الطياره وحسيت ان والوضع عادي .. وكملت الرحله ....

وصلنا للمطار واول مانزلت جابوا لي ونش عشان يشيلني ويوديني للونيت اللي جايبينه لي حسيت اني عير ركبوني بالونيت ومطاير فيني بهالشوارع عشان الحق المدرسه .. مدري الاكاديميه ... خلاص نويت أصير طالب مجتهد (( بس اني كبير ))

وصلنا ومعي بقشتي بيدي ... أخذوها مدري ليه وعطووني شنطه ما ادري بعد وش فيها ... ودخلوني الاكااديميه .... ويزووووووووووغ عقلي !!

بصراحه هم انحاشوا وتنحاشو متروعين من اللي دخل عليهم يحسبونه مقلب بس عقب ما دخلوا المدرسين وفهموهم الوضع ... واني طااااااليب آجديد (( جيم أم ثلاث نقط )) ...
بدو يوايدزون ويطلطلون علي من غرفهم وانا متلحطن بلحالي برى ... وبيدي شنطتي

طلعوا وجو سلموا علي وعيوني وعيونهم طايره .... يااااااااااالعن ام الفلللللللله يانااااااااااس
كلن جاء يسلمو ويبوّس وانا جالس ما اقدر اقوم عشان اطولهم... وقامو يسلفون معي ومبسووطين فيني ...

فيه شي غريب بينهم ... تجمعن البنيات حولي ... وحده يمين ووحده يسار ووحده انحجرت الظاهر وراي .. ويلمسون يديني ... يحسبوني بلاستيك !!

جاء العشاء وفليناها وانا ضربت بالخمس وقمت غسلت وانا اتاغر .. ودخلت نمت

شوي جاني واحد وبيده مربوعه ... ويصكّني بها مع راسي ... يالله قووم عندنا درس رقص
طلع المسيكين له ساعه وثلث يقومني وانا معطيه الخامس ... وتواسيت وانا اتثاوب .. الله العالم انه أغمي عليه ... متعشين بروست
حطيت الفنيلة تحت الصروال مثل ماتعلمت بالرياض وطلعت عليهم بفنيله وصروال السنه .. ابشوف وش السالفه لقيت اللي لابس مدري وش لابس واللي لابسه ما ادري وش لابسه (( ترى قلت ما ادري وش لابسين عشان ما ادري كم أعماركم بعد )) ...

المهم اني رحت وفتحت شنطتي لقيتهم مجمعين لي بناطيل ماخذينها من معارض .. كانت كبيره للعرض .. وشوية فنايل تفصيل ... ابصراحه توهقت فيها وجاني واحدن وش حليله يعلمني الاصول والتفريع ..في فنون اللبس السريع :b2 (( بصراحه حفضت هالدرس زيييييييييييييييييييييين ))

طلعت واشوفهم يتراقصون ويتضوحكوون ومبسوووطين وانا مرّه مستحي ... خدودي صارن فيرانيات
(( هن بالاصل شهب ... وصارن حمر مع الحياء .. طلع الناتج اللون فيراني )) ..

بصراحه ما اخفيكم ان رقصهم ذا ما عرفته ... قلت ابوريهم السامري
وقلبت ام امها على روسهم سامري .. هم أستانسوا يحسبوني أستهبل او اسوي شي غريب وجديد .. وقاموا يصفقون ويصفرون وانا اللي تطير فيني الدنياااا ... وادخل مع الرقص شويه مقاطع قد شفتها في فلم مصري بتلفزيون بالرياض .. واهز الشحم والعب بالحواجب واطير بالعجه ... وهم طايرين من الفرحه ... ما دروا ان هذا احلى ما عندي !!

عقب ما خلصت ويصفقون لي كلهم ويصفرون ... وانا من زود الحياء رحت اركض للغرفه ... اول مره احس اني صدقي !!

نادوني وعطوني هديه لاني جديد ومطيح الميانه والتكاليف من اول ماجيت ...لا وزودن عن ذا .. بدعّت بالرقص والاساليب الغريبه .. اخذت الهديه ومعها بوسه وذيك الليله ما نمت ... !!!


جاء الصبح وقاموا العيال وانا ما بعد نمت .. من حرّ مااوجس .. اعنبوها هي صدز بوسه والا استهبال !! ملعونت الخير ما عمر أحد حبّني الا يوم العيد ... وان فاتتني الصلاه محد سلم علي !!

طلعنا ولقينا البنياااات وش حليلهن قايمات وجالسات يسولفن ويضحّكن (( الله يذكرتس ياميمتي بالخير .. وجلسه الضحوية مع الكراث والجبن والخبز بر )) ...

افطرنا وفليناها وعقب الفطور جاني واحد معه اورااااق وورود كثيره .. وكراتين واشياء جابوها على ردّين !
فتحت الاوراق طبعا بحكم خبرتي المعدومه بالقرايه والكتابه .... صرفت الموضوع وقلت لوحده من البنيات تقرى هالاوراق لاني بصراحه تعبان واحس بدوخه (( لو فلسكو فيه قال انا حامل )) ..

قاموا يقرون كلام ... وانا اتحمد ربي ان ابوي مهوب حولي والا تسان نثرني بأم خمس !! خلصت البنت من القرايه وانا فاقن خشتي وطايرتن بوهتي ... قلت لها .. الورود والكراتين كلها هديه مني لتس وجمعت الاوراق ورحت للغرفه حطيتهن بوسط الشنطه عشان اوريهن العيال لا رجعت للديره ! (( أنوااااااع التلحييييييييط ))

كملنا ذيك الليله مع الفله والرقص لا وصرت اغني بعد ... وتسن جازتلي سالفه الرقص لاني بدينا نرقص كلنا جميع ... وصرت ارقص بكل مكان وكل وقت ... حتى وانا نايم ودي أرقص .. !!! Very Happy

مرت الايام وانا فالن أمها معهم ... خاصتن انه مره من المرات وحدتن من البنات تسد نامت على الكنبه شلتها بوديها الغرفه يقال لي حنون وزعلت خويتها وشلتهن الثنتين مع بعض ... !! وتناظرني الثالثه من بعيد واشقلها بعد !! من زود الحماس بغيت اشيل كل اللي حولي .. صرت كل ليله اسهر عشان اشيلهم لاناموا

وبيوم كنت نايمن الى الظهر ... جوني كل اللي شفتهم قبل كذا بلبنان عشان يدزعدوني ... يوم قمت لقيتهم مكشرين ومحزّنين ... أسالهم وش بكم !!؟؟!!؟؟

جاني راعي البشكه هذي كلها .. قال لي ... بيّك برررى .. وبدو يشوفك ومعوو سلاااح بيئول طلعو لي ايااه والا أتلتكوون كلياتكوون !! فياريت تطلع من الاكاديميه وتروح تشوف شو بدو بييييك !!

ما اخفيكم .. قمطت العافيه ... وحسيت ان الهالول بدى يلعب لعبة .... وبديت ما اجمع !! وش يدريه اني مسافر ... ومن اللي قال له اني هناااأأأأأ ؟؟؟؟؟؟؟؟؟؟؟؟


فصخت البنطلون الجنز اللي كنت لابسه وطقيت ثوبي الاصفر وعصبت راسي بالشماغ على بالي اني بالمزرعه وأكرف (( على من تلعبها )) وطلعت معهم وانا أمشي خطوه قدام وثلاث ورى ... حسيت اني جبت العيد

وصلت لغرفه ويدخلوني على أبوي والقى الشايب يتفنجل قهيوه ويتضوحك وفالّن ام امها ... وجالستن على يمينه السكرتيره .. وعلى يساره وحدتن مدري وش يقالها ... وهو مستلم الجلسه نصب وأرانب ... والا بذّمتكم فيه أحد يبي يكشخ يقول لهن عندي شورت مقلّم بالرياض .. وفنيلة علاق لونها رصاصي

واتنحنح يوم دخلت على أبوي وهو اللي يقمط على قومه ورده فعل طبيعيه وبطرف عصاه وكالعاده سددها على جبهتي حسيت بالصعرور طالعن مع قفاي تسنه مصقال !! ويزاعق علي ويقول !!
هالحين يابن الكلب (( نسى نفسه )) وراك تسافر ولا تقول لي ... ولييييه تطلع بالتلفزيون مع البنيات وترقص وتهزّ قفاك ياعلّك الضربه ... ما تستحي لامن الله ولاخلقه ... فشلتنا مع اهلك واخوانك ... فشلتنا مع .. فشلتنا مع .. !!

وانا ماكنت أدري ان الدعوه كلها تبي تصوّر بيشوفوني كل العالم ... احسبهم جايبيني أنبسط معهم وبيرجّعوني تفشلت يوم تذكرت سواياي !! وابدى أتذكر وش كنت أسوي بالغرفه بلحالي لاناموا... واتذكر الشموع اللي صرقتهن وصراويلهن وكل الاغراض اللي بشنطتي اللي مهيب لي !!

والتفت على اللبناني اللي واقفن عند الباب مرتاع يحتري ابوي يطلع ... واقول له .. يابو الشباب أبي الفلم اللي صورتوه !! قال لي : أي فلم إحنا عم بنصور كل شي .. والتصوير موجود في المونتاج ( الجيم أم ثلاث نقط )

بصراحه كنت خايف ينشرون علي اللي شافوه واطلع من الغرفه طاير ... ولا عبّرت الشايب يزاعق ويصارخ بلحاله ... ورحت أركض واركض واركض بهالاسياب
وهم طالعين يدورون علي يحسبونه أنكسر خاطري ورحت أركض ابي اصيح .. ابي احد يراضيني ما دروا اني ما جبت خبر

وادور على الغرف ادور غرفه المونتاج الين لقيت الغرفه يوم دخلت ولا المكاين والكمبيوترات والاشياء اللي مدري وشي ... حسيت اني توهقت ... وشكل فلمي بينتشر غلطه !!

واروح أجيب لي جالون بنزين وأصبه في وسط الغرفه وبدون ما احد يدري ... شبّيت الولاعه .. وعطيت الغرفه ظهري والكاميرا قدامي والمصور يرجع شوي وانا امشي والبالطو الاسود الجلد يرتفع شوي مع الهوا .. وانا امشي خطوات ثابته مع مؤثرات صوتيه رميت الولاعه على الارض وشبّت الغرفه بالاشرطه والاجهزه اللي فيها (( أرحمهم ياجون ترافولتا ))

طلعت بالحديقه وشبيت لي زقيّره على جيّت المطافي عشان يلحقون على اللي بقى من الاكاديميه ... لا يشب المبنى كلّه .... وصلت للبوابه لقيت الشرطه عند الباب ماسكين أبوي مكلبشينه ... لاعنن جدف مديرهم بالعصا

مشيت وكملت طريقي ولا كأني اعرفه قطعت الشارع ورحت أمشي بلحالي في شوارع لبنان بعد ماتاكدت أن الفلم حقي أنتهىىىىىىىىىىىى

والمعذرة والسموحة على الطواله والمصاله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://iraqeana.ahlamontada.com/index.htm
 
سطااار اكادمي؟؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
عراقي انا :: قسم الترفيه :: منتدى حشاشة ونكات-
انتقل الى: